কাহিনী II আলম আড়িস: -আ

 

আলম আড়িস: - আ। 

ডা: কনৌমি মুরমু দ মিৎ মেন্টাল হসপিটাল রিনিজ মারাং ডাক্তার কানায়।দিন দ তাঁহে কানা অতে মাহা।ইনৌ হিলো: কুনৌমি হসপিটালরে সেটের সাও সাওতে,লুতুররে বাং সাহা: লেকা মিৎ গারজাও এ‍্য আজম কেদা।নার্স এ‍্য কুলি কেৎ কওয়া,চেৎ ব‍্যাপার,অকয় দ দমেয় গারজা: কানা?নার্স এ‍্য মেন কেদা,ম‍্যাডাম,64 নম্বর বেড রে মিৎ পাগলা হড়ক এ‍্যডমিড  আকাদেয়া।কুনৌমি দ দিন গে স্কুটিতে চালা: হিজু: আ।ইনৌ হিলো: দ হিজু: হিজু: তে স্কুটি রেনা: টায়ার অটেজ এন তায়া,এমনকি গোটা হরগে ট্রাফিক আডি জাস্তি জ‍্যাম তাঁহেলেন খাতির,মুশকিল তেগে হসপিটাল দয় সেটেরেনা কাটিজ স্বস্তি ঞাম লাগিৎ,আর অনা চেতান রে উনি পাগলা-আ: গারজাও।নার্স নার্স মেনতে মিৎ অস্বস্তি আড়াং তে কুনৌমি হহ কেদা আর নার্স এ‍্য মেতা: কওয়া,নিতগে উনি 64 নম্বর বেড রিনিজ Patient জাপিৎ Tablet এম কাতে জাপিৎ কায় পে।কুনৌমি ডাক্তার লেকাতেদ আডিগেয় নাপায়া।উনিয়া: মিৎ আডি নাপায় গুন তায়,দিনৌম গে সানাম Patient সালা: ঞেপেল আর বগে বাড়িজ কুলি কাতেগে আড়া: এ‍্য রুয়ৌড়া।মেনখান তেহেঞদ দমে বহ: হামাল সাওতে হাসোয় আটকারেদা।এনতেরেহ দিনৌম দিন লেকাগে তেহেঞহ Patient সালা: ঞেপেল রেনা: মনেয় গটা কেদা।কুনৌমি ওডোক এনায় Patient ঞেঞেল,গোটা Ward দাঁড়াতে দাঁড়াতে সেটের এনায় 64 নম্বর বেড।পাগলায়া: হড়মরে হর: তাঁহে কানা মিৎ অড়েজ অড়েজ হেঁদে টাওজার,ধুড়িতে লোসোপোঁডো আকান অড়েজ ব্লু গেঞ্জি আর থতনা পেরেজ রাগুম রাগুম দাড়ি।পাগলা ঞেল কাতে কুনৌমিয়া: মনেরে কারেন্টতে সক এন লেকায় অৌইকৌও কেদা।মনে মনে তে উইহৌর ভাবিয়েনায় নুই পাগলা দ মাড়াং তে অকারেচয় ঞেল লেদেয়া।উন হিলো:হ সানাম Patient ক ঞেল কাতে কুনৌমি লগন গে অড়া: তেয় রুয়ৌড়েনা।

কুনৌমি ইজ্ ছাতা দারেয়া: ঞুতুম দ হোয়ো: কানা দেবরাজ মুরমু,পেশা তেদ মিৎ ব‍্যারিস্টার কানায়।উন হিলো: কুনৌমিয়া: মেৎহা মুলিন ঞেল কাতে,দেবরাজ এ‍্য মেন কেদা,চেৎ মহারানি চেৎ চিকৌ আকানা?মেৎহা গস কাতেম দুড়ুপ আকান দ।দেবরাজ বার কাপ কফি বেনাও কাতে আগু কেদায়,মিৎ কাপ দ আজ আর মিৎ কাপ দ কুনৌমিয় সাব আদেয়া।কফি কাপ সাব কাতে গে কুনৌমি দেবরাজ এ‍্য কুলি কেদেয়া,কিছু দিন মাড়াং আম কি মিৎ পাগলাম ঞেল লেদেয়া?দেবরাজে মেন কেদা,দিনৌম তিনৌ: পাগলাঞ ঞেল এ‍্যৎ কওয়া,যেমন আম মিৎটাং।বার তিতে কেটেজ ঞ: হাড়ুব কাতে দেবরাজে লেয় কেদা,তেহেঞ দ কাটিজ জাপিৎ জিরৌও ঞগ: মে,সারাদিন আডিম পরিশ্রম আকাদা।দসার হিলো: কুনৌমি সেতা: রেগে ইসিন বাসাং কাতে উম ফারচায়েনতে হসপিটাল চালা: লাগিৎ এ‍্য ব‍্যাস্ত চাবায় এনা।হসপিটাল রে সেটের কাতে কুনৌমি নার্স এ‍্য কুলি কেৎ কওয়া,64 নম্বর বেড রে মেনায় পাগলা- আ: কি কোনো উপরুম মেনা আকাৎ তায়া?নার্স রেজিস্টার খাতা ঞেল কাতে লেয় কেদা হ‍্যাঁ ম‍্যাডাম,উনিয়া: ঞুতুম তায় দ সারজম সোরেন,আতো জানুম ডি।উপরুম আজম তায়ম হাহাড়া: কাতে কুনৌমি নার্স সেৎ কয়: কাতেগেয় তাঁহেয়েনা।

সারজম সোরেন,ক্লাস ইলেভেন,বিঞ্জান বিভাগ রিনিজ মিৎ সরেশ পৌঠয়ৌ।তেহেঞ দ সারজম বিলম ঞ: তেগে স্কুলতেয় সেটেরেনা।হঠাৎ সারজম মিৎ নাওয়া কুড়ি গিদরৌয় ঞেল ঞাম কেদেয়া বারতালা স্কুল বারান্দা রে।সারজম আজরেন অকয় গাতেহ বায় কুলিলেৎ কওয়া উনি কুড়ি গিদরৌয়া: উপরুম কাথা।চেদা: স‍্য, গাতেক নাসেনা: কাটিজ কাথা ক বাডায় ঞাম লেখান ঠাট্টা তেক মাতাও চাবা:-আ।অনা তায়ম সারজম দিনৌম গে তাঙ্গি তাড়া: যাহারেগে কুনৌমি ঞেল ঞামেয়ায়,বাং ঞেল আৎ হারিজ মেৎ পেরেজ এ‍্য ঞেল জং তাঁহে।নতে কুনৌমি হ ঞেল জং তেদ বায় খাট-আ,অনা তেগে সারজমা: মনেহ কুনৌমি রে থালি উতৌর আকানা।তবে সারজমা: অনা তেরছা তেরাং কয়গতে,কুনৌমি আডি এটকেটড়েয় বুঝৌও তাঁহে।অঙ্কা তেগে পে - পোন চাঁন্দো পলম এনা,কুনৌমি সারজমা: তেরাং নজর বায় এড়াও দাড়েয়াদা।সারজমা: অনা তেরছা তেরাং কয়গ আর নাসে মুলুচ লান্দাতে কুনৌমিয়া: মনে ভিতির রে সারজমা: চিতৌর গাবান সারিয়েনা।কুনৌমি হ সারজমা: দুলৌড় রেয় ঝালিয়েনা, এপেম চাপাল হোয় এনা আকিন তালারে গাহির দুলৌড় রেনা: কাথা।অনা তায়ম যাহারেগে সারজম অঁডেগে কুনৌমি।স্কুল ক্লাস,কোচিং সানাম ঠাঁও রেগে জড় জুরি মালাপতাম লেকা আকিন গে।বাং ওকো তাঁহে লেনা কাথা,স্কুলরে সানাম গাতে ক বাডায় কেদা আকিনা দুলৌড় সৌগৌয় কাহিনী।অনা তায়ম এতহব এনা অট্টহাসি রেনা: রহস‍্য।ক্লাসরে গাতেক লেয়েদা,যাহায় সারজম অকয় কুড়িহ পাত্তা বায় এমাক তাঁহে,উনি সারজম তেহেঞ দুলৌড় তেয় বুল তহেল আকানা।সারজম অকয়া: কাথা রেহ বায় লুতুর আদা।সারজম মনে মনে তে ঠিক কেদা,আকিনা: দুলৌড় খনা সাহা সাঙ্গিঞ: লাগিৎ।মেনখান কুনৌমি সামাং রে লেয় লাগিৎ এ‍্য চালাও লেনখান গে হেকো: জটাও এয়া।চেদা: স‍্য সারজম হ কুনৌমিয়া: জুয়ৌন জাদু আর দুলৌড় মায়া নাড়ি তেয় তল কাবু হচ আকানা।সারজম কুনৌমিয়া কাথা আজ আয়োয় বাডায় হচ কেদেয়া।সারজমা: মচা খন কুনৌমিয়া: কাথা আজম কতেগে,সারজম আজ আয়োহ আডিয় কুশিয়েনা।উচ্চ মাধ‍্যমিক বিনিড হোয় তায়ম রেজাল্ট ওডোক এনা।বানা হড় নাপায় তেগে উচ্চ মাধ‍্যমিক কিন পারম কেদা।সারজম কেমিস্ট্র অনার্স তেয় ভর্তিয়েনা মিৎ কলেজ রে আর কুনৌমি জয়েন্ট পাশ কাতে মেডিক্যাল পাড়হা: লাগিৎ এটা: কলেজ রেয় ভর্তিয়েনা।আলাদা আলাদা কলেজ রে ভর্তি কাতে রেহ,আকিন তালারে দুলৌড় আনাট দ বাং তাঁহে কানা।মিৎ দিন সারজমে বাডায় ঞাম কেদা,কুনৌমি অকয় সালা: চ ফোনতেয় রপড়া।কুলি কেদেরে কুনৌমি লেয় কেদা, গাতে কানায়।সারজম উনি গাতে সালা: ঞেপেল: এ‍্য খজ কেৎ রে,কুনৌমি লেয় কেদায় সময় ঞাম লেখান উপরুম কাবিনৌঞ।1st ইয়ার মুচৌৎ এনা,বিনিড রেনা: রেজাল্ট ওডোক এনা।সারজমা: রেজাল্ট ভাগে বাং হোয় লেনা।কুনৌমি লেয় কেদায় জাস্তি বালাং রপড়া ফোনতে,হাপ্তারে মিৎ দিন।সারজম কুনৌমি আডিয় দুলৌড়ায় খাতির বায় মানা দাড়েয়াদেয়া।কিছু দিন পলমেন তায়ম কুনৌমি আরহয় মেন কেদা হাপ্তা দ বাং চাঁন্দো রে মিৎ ধাও লাং রপড়া,সারজম চেৎ হ বায় লেয় লেদা।সারজম দ কুনৌমি খাতির কাহুল বাকুল কঙ্কা চাবা আকানা,অনাতে বায় বঝৌও দাড়েয়াদা,কুনৌমি দ হিড়িঞ সাঙ্গিঞ সানায়ে কানা সারজমা: উরগুম দুলৌড়।কিছুদিন পলমেন তায়ম কুনৌমি ফোন কাতে সারজমে মেতেদেয়া আদ দুলৌড় সৌগৌয় বৌঞ দহয়া।কুনৌমিয়া: কাথা আজম কাতে সারজমা: মিৎ ঠপ হ মেৎ দা: বাং জর লেনা।সারজম বায় বুঝৌও দাড়েয়াদা অকাটা: দ সারি আর অকাটা: দ এ‍্যড়ে দুলৌড়।তিনৌ: দিন পলম এনা,জম ঞু রেনা: ঠিকৌন বানু:,ঞিদৌ মেৎরে জাপিৎ বানু:,সারজম উইহৌর ভাবনা তেগে দিশ হদিশ ঝতয় আৎ চাবা কেৎ তায়া।যাহায় সারজম সোরেন মিৎ অক্ত সরেশ পৌঠয়ৌ মেনতে সানাম ক উরুমে তাঁহে, উনি সারজম তেহেঞ ঝত হড়া: মেৎ রে পাগলা।কুনৌমি দয় বাপলায়েনা নাওয়া গাতে কড়া দেবরাজ সালা:।

সারজম তেহেঞ 64 নম্বর রিনিজ Mental Patient আর অনা Mental Hospital রিনিজ মারাং ডাক্তার ডা: কুনৌমি মুরমু।কয়েক সেরমা মাড়াং যাহায়া: দুলৌড় রেনা: লাসের সার তে সারজমা: হৃদয় ক্ষত বিক্ষত চাবা আকানা।কুনৌমি সানামা: বাডায় কাতে হড়ম রেনা: উব তেঙ্গো গৎ এন তায়া,মনে মনেতে ভাবি কেদায়,আজ্ খাতির তেহেঞ সারজমা: নওয়া অবস্থা।মনে ভিতির রে শপথ এ‍্য হাতাও কেদা,যাহা লেকা তেগে সারজমে বেশ রুয়ৌড়েয়া।হসপিটালরে সারজমা: সানাম দায়িত্ব কুনৌমিয় হাতাও কেদা।কিরিঞ আগু কেদায় সারজম লাগিৎ হেঁদে টাওজার আর ব্লু গেঞ্জি,কুনৌমি সিঞ ঞিদৌ সারজম সেবা লাগিৎ হসপিটাল রেগেয় তাঁহেয়েনা,অনাতে দেবরাজ আর কুনৌমি তালারে সৌগৌয় রেনা: আনাট সেটের এনা।দিন দিনতে সারজম বেশ রুয়ৌড় এনায়।সারজমে বুঝ কেদা সিঞ ঞিদৌ য়াহায়ে সেবায়ে কানা উনিদ অকয় হবাং স্কুল জিয়ন রিনিজ সিঞ শিশির জালি,ঞিদৌ কাপুর মালি কুনৌমি মুরমু।সারজম আয়া: মেৎ সামাং রে কুনৌমি ঞেল কাতে মুলুচ এ‍্য লান্দা কেদা,কুনৌমি বাপলা কাতে আরহ চরকে ঞেল: কানা, হরাসি রে সিন্দুর,বানার তিরে আরা: - পোঁড শাকম,হড়মরে সাসাং পৌড় নীল শাড়ি,বেনাও বঙ্গা খন হ সরেশ।সারজম বায় খজা,কুনৌমিয়া: সুলুক ঘারঞ্জ,হেঁদে রিমিল রেনা: হয় বারডো তে রাপুৎ,অনাতে অকয়হ বায় বুঝ হচয়া: কওয়া,যে সম্পূর্ণ বেশ উতৌর আকানা।ইনৌ হিলো: দ কুনৌমি অড়া: এ‍্য হেজ এনা।দশার হিলো: সেতা: রে হসপিটাল খন ফোন হেজ এনা,ম‍্যাডাম 64 নম্বর বেড রিনিজ পাগলা দ বানু: এয়া।কুনৌমি হসপিটাল রে হেজ কাতে সারজমা: গজ হড়ম পাশরে ঞেল ঞাম কেদায় মিৎ বেওরা।বেওরা রে কুনৌমি লাগিৎ নওয়া গে অল তাঁহে কানা--------

আমা: আর ইঞা দুলৌড় তালারে নওয়া গে ফারাক তাঁহে কানা.....

" আম দম দুলৌড়াদিঞ তাঁহে মনে তে,

ইঞ দুঞ দুলৌড়া: মে তাঁহে হৃদয় তে।

যদিও আমা: মনেম পরিবর্তন দাড়ে আকাৎ তাম রেহ,

ইঞা: হৃদয় দ বৌঞ বদল দাড়ে আকাৎ তিঞা।আলম আড়িস: -আ।"

                                                                                                                    ইতি --------

                                                                                                                     সারজম সোরেন।

                                                                                                           গাবান রে - জয়ন্ত মাইতি,

তরজমা রে - বিলৌত বায়ার।

------- * --------